Mbyllja e Qeverisë amerikane shmanget në momentin e fundit

Qeveria e Shteteve të Bashkuara e ka shmangur mbylljen federale, pasi Dhoma e Përfaqësuesve dhe Senati e votuan marrëveshjen për buxhetin në çastet e fundit. Dhoma e përfaqësuesve e miratoi projektligjin e ri me një shumicë dërrmuese prej 366 votave pro dhe 34 kundër të premten vonë. Pastaj, Senati amerikan e kaloi atë me 85 vota pro dhe 11 kundër, rreth gjysmë ore pasi kishte kaluar afati i fundit të premten pas mesnatës. Në mesnatë, Shtëpia e Bardhë tha se i ka ndalur përgatitjet për mbylljen e Qeverisë.