Gjykata e Romës refuzon mbajtjen e migrantëve në Shqipëri

Një gjykatë në Romë ka refuzuar urdhrat për mbajtjen e një grupi të migrantëve në qendrën e pritjes në Shqipëri dhe tha se ata kanë të drejtë të dërgohen në Itali. Ky vendim paraqet një goditje për planin e kryeministres italiane, Giorgia Meloni, për të dërguar azilkërkuesit jashtë Italisë. Gjatë kësaj jave, 16 migrantë që u shpëtuan në Mesdhe dhe u dërguan në Shqipëri përmes një anijeje të marinës italiane, u bënë grupi i parë i njerëzve që u strehuan në qendrën e re në Gjadër, pasi u procesuan në portin e Shëngjinit.