Kryetari në mesin e 16 të vrarëve nga sulmi izraelit në ndërtesë komunale në Liban

Ushtria izraelite e ka bombarduar një ndërtesë komunale në një qytet në jug të Libanit të mërkurën, duke i vrarë 16 njerëz, përfshirë kryetarin e komunës, njoftuan zyrtarët libanezë. Ky ishte sulmi ma i madh ndaj një ndërtese shtetërore të Libanit prej se Izraeli i nisi bombardimet. Zyrtarët e Libanit e dënuan këtë sulm në Nabatieh, si pasojë e të cilit u plagosën gjithashtu mbi 50 njerëz. Ata thanë se kjo ishte dëshmi se fushata ushtarake e Izraelit kundër grupit të armatosur Hezbollah, po zhvendoset tani edhe kundër shtetit të Libanit.