د افغانستان د بزکشي ملي ټیم هنګري ته په خپله لومړنۍ نړیواله لوبه کې ماتې ورکړه
د افغانستان د بزکشي ملي ټیم وتوانید په خپله لومړنۍ نړیواله لوبه کې هنګري ته ۱۴ د صفر پر وړاندې ماتې ورکړي.
دغه لوبه د سه شنبې په ورځ د قزاقستان په ترکستان ښار کې ترسره شوه.
د افغانستان د بزکشۍ ملي ټیم په دویمه او دریمه سیالي کې له منګولیا او روسي ټيمونو سره مخ دی.
دغه لوبې د قزاقستان په کوربتوب د کوکپر په برخه کې د روانې میاشتې په ۱۵مه پیل شوي چې پایلوبه به يې د مارچ په ۲۱مه ترسره شي.
په دې سیالیو کې د افغانستان په ګډون نهو هېوادونو برخه اخیستې ده.
Заголовки