طالبان؛ د پاکستان په تازه بریدونو کې ملکیانو ته مرګژوبله اوښتې ده

د نولس ورځو له تېرېدو سره سره لا هم د طالبانو د حکومت او پاکستان ترمنځ نښتې دوام لري او د ملکي وګړو د مرګ ژوبلې راپورونه خپرېږي. د طالبانو حکومت ویلي په تېرو ۲۴ ساعتونو کې د پاکستان د راکټي او توپچي بریدونو له امله دخوست په بیلابیلو ولسوالیو کې ۴ ولسي وګړي وژل شوي او نهه نور ټپیان شوي دي. د طالبانو د حکومت مرستیال ویاند حمدالله فطرت دوشنبه د حوت ۲۵ مه پر اېکس پاڼه په خپره کړې اعلامیه کې ویلي چې د خوست د سپېرې ولسوالۍ د افغان دوبۍ په سیمه کې دوه ماشومان وژل شوي او دوه نور ټپیان شوي دي. همدارنګه د...