امریکا ته تللي زرګونه افغان کمنډویان بې برخلیکه پاتې دي

په متحده ایالاتو کې د «افغان صفري واحدونو» زرګونه پخواني غړي له بې برخلیکه حالت سره مخ دي. امریکايي رسنیو له دې ډلې نیویارک ټایمز په خپل یو وروستي راپور کې ویلي، دا ځواکونه چې وړاندې یې افغانستان کې د متحده ایالاتو د استخباراتو مرکزي ادارې «سي ای اې» ادارې سره هم همکاري کړې، اوس دې هېواد کې د کډوالۍ بهیر ستونزو له امله بېلابېلو ننګونو او د خپل راتلونکي اړوند وېرې سره مخ دي.