پر افغان خاوره د پاکستان بریدونو ته د غبرګونونو دوام؛ پاکستان د برید ننګه کوي

په ننګرهار او پکتیکا د پاکستان تر هوايي حملو وروسته چې لږ تر لږه ۲۶ ملکیانو ته په کې مرګ ژوبله واوښته، په ملګرو ملتونو کې د افغانستان دایمي استازولۍ په ننګرهار او پکتیکا کې د پاکستان د وروستیو هوايي حلمو په غبرګون کې امنیت شورا ته "رسمي شکایت" سپارلی دی. په ملګرو ملتونو کې د افغانستان د دایمي استازولۍ سرپرست نصیر احمد فایق دوشنبه د «کب/ حوت ۴مه» په خپله اېکس پاڼه (پخواني ټویټر) لیکلي چې په دې هوايي حملو کې د ښځو او ماشومانو په ګډون ملکي وګړي په نښه شوي دي. نوموړي لیکلي،"موږ د دغو سرغړونو د سمدستي...