د روژې په درشل کې د لومړنیو خوراکي توکو د بیو پر لوړوالي د خلکو اندېښنې

داسې مهال چې روژې ته یوازې یو څو ورځې پاته دي، د پلازمینې کابل په ګډون د بیلابیلو ولایتونو یو شمېر اوسېدونکې وايي، په بازارونو کې د لومړنیو خوراکي توکو بیې لوړې شوې دي. دوی وايي له یوې خوا بې کارۍ، بې وزلۍ او له بله خوا د خوراکي موادو لوړو بیو ترې د ژوند لوری ورک کړی دی. د کابل په ارازان قیمت سیمه کې میشت عبادلله ازادي راډيو ته وویل: "سره له اوسه د وریجو، غوړو، شیدو او نورو توکو بیې لوړې شوي دي، خلک بې وزله دي کار او روزګار نشته، حکومت دې د بیو د لوړېدو مخه ونیسي." د ننګرهار ولایت یوه اوسېدونکي...