اروپايي ټولنه؛ په افغانستان کې د طالبانو د محدودیتونو سربیره راډیو لا هم د معلوماتو مهمه وسیله ده

داسې مهال چې په افغانستان کې د طالبانو تر بیا ځلې واک وروسته په ازادو رسنیو او خبریالانو د محدودیتونو د زیاتېدو پرلپسې راپورونه ورکول شوي په افغانستان کې د اروپایي ټولنې استازولۍ ویلي راډیو لاهم په دغه هېواد کې د معلوماتو او زده‌کړې لپاره مهمه وسیله ده. دغه ټولنې د راډیو د نړیوالې ورځې په مناسبت جمعه د فبرورۍ ۱۳مه ویلي راډیو کولای شي هغو سیمو ته ورسیږي چې نورې رسنیزې وسیلې یې د پوښښ توان نه لري. اروپایي ټولنې ټینګار کړی، چې دوی د خپلواکو، باخبره او ښوونیزو رسنیو ملاتړ کوي، څو خلک او په ځانګړي ډول...