ولې د داعش خراسان څانګه په افغانستان کې چینایي اتباع په نښه کوي

د طالبانو تر واکمنۍ لاندې په افغانستان کې د اسلامي دولت ډلې د خراسان څانګې (داعش) له خوا پر چینایي اتباعو وروستي برید، دا پوښتنې راولاړې کړې دي چې ولې د چین وګړي او ګټې یې دا ډله په نښه کوي؟ په وروستۍ پېښه کې، دې ډلې د جنورۍ په ۱۹مه په کابل ښار کې پر یوه چینایي رستورانټ د برید مسؤلیت پر غاړه واخیست. د طالبانو د حکومت له خوا د خپرو شویو شمیرو له مخې، په دې برید کې اووه تنه وژل شوي او شاوخوا دیارلس نور ټپیان شوي، چې په وژل شویو کې یو چینایي تبعه هم شامل و. د کابل د شهرنو په ګلفروشي کوڅه کې د «لانژو...