د ایران د بشري حقونو سازمان؛ په مظاهرو کې د وژل شوی کسانو ارقام له هغه څه ډیر لوړ دي چې په رسنیو کې خپاره شوي

د ناروې په پلازمینه اسلو کې میشت د ایران د بشري حقونو سازمان ادعا کړې چې د ایران په وروستیو مظاهرو کې د وژل شویو کسانو ارقام له هغه څه ډير لوړ دی چې په رسنیو کې خپاره شوي دي. د دغه سازمان مدیر محمود امیري مقدم وايي،"له عیني شاهدانو، کورنیو او نور شواهد داسې ښکاري چې د وژل شویو کسانو شمیر لوړ دی". دغه سازمان په خپل وروستي راپور کې د وژل شویو کسانو شمیر ۳۴۲۸ اعلان کړ و. دمقدم په ټکو،" بې له شکه چې د ایران اسلامي حکومت د مظاهره کوونکو ټول وژنه کړې ده، شواهد ښيۍ چې دغه ټوله وژنه د یو پلان او منظمې برنامې له مخې شوې".