له ایرانه لسګونه پاکستانیان خپل هېواد ته ستانه شوي

په ایران کې د حکومت ضد د مظاهرو د پراخېدو له وجې هلته مېشت لسګونه پاکستانیان بیرته هېواد ته ستانه شوي او دا لړۍ لا هم روانه ده.د پاکستان د بهرنیو چارو وزارت د جنورۍ پر ۱۰مه پر اېکس (پخواني ټوېټر) یو پیغام خپور کړی وو او ویلي يې وو چې له پاکستانه دې خلک ایران ته "غیر ضروري سفر" نه کوي او هلته مېشت پاکستانیان دې هم له "احتیاطه" کار واخلي. د پاکستان ډان ورځپاڼې د جنورۍ پر ۱۳مه د هغه هېواد د تحقیقاتو د فیډرالي ادارې (اېف ای اې) د یوه چارواکي بالاچ یعقوب له قوله لیکلي دي چې په تېرو دوو ورځو کې له ۱۰۰...