د روغتیا نړیوال سازمان: په افغانستان کې د ۴۴۵ روغتیايي مرکزونو فعالیتونه ځنډول شوي
په افغانستان کې د روغتیايي اسانتیاوو د کمښت په اړه د اندېښنو په دوام تازه د روغتیا نړیوال سازمان ډبیلو ایچ او همکارې ادارې یې د روغتیا کلستر خبر ورکړی چې په روان ۲۰۲۵ کال کې د سخت مالي کسر له امله د ۴۴۵ روغتیايي مرکزونو فعالیتونه یا ځنډول شوي او یا هم په بشپړ ډول تړل شوي دي.
د روغتیا نړیوال سازمان او د روغتیا کلستر چې د څو نړیوالو سازمانونو یوه شبکه ده، په خپل تازه راپور کې چې د ډیسمبر په ۲۴ مه د ریلیف په ویب پاڼه خپور شوی ویلي دغه شمېر مرکزونه چې تر ډېره د امریکا د مرستو د ځنډیدو له امله تړل شوي له پنجشیر پرته د افغانستان په ۳۳ ولایتونو کې دي.
Заголовки