له ایران او پاکستانه ستانه شوي افغانان: د خوړو له جدي کمښت سره مخامخ یو
له پاکستانه او ایرانه راستانه شوي یو شمېر افغانان وايي د خوړو د خوندیتوب او ماشومانو د پالنې په برخو کې له جدي ننګونو سره مخ دي.
دوی ازادي راډیو سره خبرو کې وویل، د خپلو ماشومانو لپاره کافي خواړه نه شي برابرولی او روغتیايي خدمتونو ته یې لاس رسی محدود دی.
د لغمان ولایت د قرغیو ولسوالۍ د سرخکانو د بېرته راستنو شویو کډوالو په کمپ کې میشت یو افغان چې په وروستیو کې له پاکستانه ستون شوی یکشنبه د نومبر په دوهمه یې ازادي راډيو ته وویل:
"هیڅ نشته، زموږ ماشومان له لوږې مري، خلک وايي چې په افغانستان کې څوک...