پاکستان له جنوبي افریقا څخه د ۲۰ اووره کرکټ لوبلړۍ وګټله
د پاکستان د کرکټ ملي لوبډلې په درېیمه ۲۰ اووره سیالۍ کې جنوبي افریقا ته په څلورو وېکټو په ماتې ورکولو لوبلړۍ وګټله.د نومبر پر لومړۍ نېټه د لاهور په قذافي لوبغالي کې د وروستۍ سیالۍ پچه کوربه پاکستان وګټله او لومړی یې توپ اچونه (بالېنګ) غوره کړه.
د جنوبي افریقا دوه لوبغاړي د توپوهنې (بیټېنګ) تر پیلولو لږ ساعت وروسته بې له منډو کولو وسوځېدل خو درېیمه وېکټه یې پر ۳۸ منډو پرېوته. البته تر هغې وروسته هم مېلمنې لوبډلې ښه بیټېنګ و نه کړای شو او لوبغاړي یې ژر، ژر وسوځېدل.
جنوبي افریقا په ټاکلیو ۲۰ اوورونو کې د نهو لوبغاړو په سوځېدو ۱۳۹ منډې وکړې.
Заголовки