د طالبانو او پاکستاني ځواکونو نښتې؛ دواړه لوري د مرګژوبلې د اړولو ادعا لري

د افغانستان او پاکستان ترمنځ د ډیورنډ کرښې په اوږدو کې د طالب او پاکستاني ځواکونو ترمنځ د تېرې شپې له سختو نښتو وروسته دواړه اړخونه یو بل ته د درنو مرګ ژوبلو د اړولو ادعاوې کوي. د طالبانو د حکومت ویاند ذبیح الله مجاهد ادعا کړې چې په دې نښتو نېږدې ۶۰ کسان وژل شوي او ۳۰ نور ټپان شوي دي، خو پاکستاني دولتي رسني پي ټي وي بیا د پاکستان د امنیتي مسولینو له قوله ادعا کړې چې طالبانو ته یې پراخه مرګ ژوبله اړولې ده.