ټرمپ: که مسکو د اوکراین پرضد جګړه و نه دروي نو "له خورا شدیدو پایلو" سره به مخامخ شي

امریکايي ولسمشر ډانلډ ټرمپ د روسیې له ولسمشر ولادیمیر پوتین سره تر لیدو مخکې مسکو ته خبرداری ورکړی دی چې که د اوکراین پر وړاندې یې جګړه و نه دروله نو "له خورا شدیدو پایلو" سره به مخامخ شي.نوموړي په دې اړه جزییات ور نه کړل چې که روسیه د اوکراین پر ضد خپله شاوخوا درې نیم کلنه جګړه ختمه نه کړي نو له کوم ډول پایلو سره به مخامخه شي، خو هغه دا خبره د اګست پر ۱۳مه تر هغې لږ ساعت وروسته وکړه چې یوشمېر اروپايي مشرانو او اوکرایني ولسمشر وولودیمیر زېلېنسکي ورباندې ټینګار وکړ چې د اروپا او اوکراین اساسي امنیتي ګټې خوندي کړي.