په تیرو څو میاشتو کې ایران او پاکستان ۸۰۰زره افغان ماشومان اخراج کړي

د ماشومانو د ساتنې سازمان« سیف د چلډرن» وايي، په داسې حال کې چې په افغانستان کې له هرو پنځو ماشومانو یو یې د لوږې له سخت ناروین سره مخ دی، په اوسط ډول په هرو ۳۰ ثانیو کې یو ماشوم له ایران یا پاکستانه هیواد ته ستنېږي. دې سازمان د دوشنبې په ورځ د اګست په ۱۱مه، په یوه راپور کې ویلي چې د روان میلادي کال له پیله ۸۰۰ زره ماشومان له ایران او پاکستانه افغانستان ته ستانه شوي دي، چې دا شمېره د تیر کال په پرتله دوه چنده ډېر دی. په راپور کې زیاته شوې چې د دې ماشومانو نږدې درې پر څلورمه برخه له ایرانه ستانه شوي دي.