د کډوالو د څار اداره: «د افغان ښځو او نجونو نیونې ټکان ورکوونکې دي»

د کډوالو د حقونو د څار اداره (Refugee Rights) وایي، په پاکستان کې د افغان کم عمره نجونو او ښځو د نیولو صحنې دومره دردناکې دي چې لیدل یې ټکان ورکوونکی دي. یاد سازمان د پنجشنبې په ورځ، د جولای ۲۴مه، پر خپل ایکس (پخوانی ټویټر) پاڼه خپره کړې اعلامیه کې د پاکستان له حکومته غوښتي چې د کډوالو له کورنیو سره له مجرمانه چلند ډډه وکړي او د نړیوالو قوانینو مطابق د دوی له حقونو سرغړونه ونه‌کړي. دا سازمان د پاکستاني پولیسو له لوري د افغان ښځو او نجونو د نیولو پر دوام ژوره اندېښنه ښودلې او دا ډول جبري نیونې او...