د اسراییل او ایران ترمنځ کړکېچ لا زیات شوی

اسراییل او ایران پر یو بل نه یوازې بریدونه جاري ساتلي بلکې ورسره کړکېچ لا زیات شوی دی. د جون پر ۱۵مه بریدونو لږ تر لږه ۱۰ کسان په اسراییل کې ووژل، او د ژغورنې ډلې اوس هم د هغو استوګنیزو ودانیو له ملبو د ژوندي پاتې شویو کسانو لټون کوي چې د ایران د توغندیو له امله ویجاړې شوې دي. بلخوا د ازادې اروپا راډیو ایرانۍ څانګې رادیو فردا اورېدونکو له ایرانه پیغامونه استولي چې پر تېلو او اټومي تاسیساتو یې د اسراییلي بریدونو شدت بیان کړی دی. د مشال راډيو د خبر مرکزي څانګې ويډيو