میندوارې افغان کډوالې: نه سرپناه لرو، نه روغتیايي خدمات ؛ د ملګرو ملتونو تازه اندېښنه

یوه افغان کډواله چې کابو درې اونۍ مخکې له پاکستانه خپل هېواد افغانستان ته ستنه شوې او نه‌غواړي نوم یې په راپور کې خپور شي، د غږ د بدلون په شرط یې ازادي راډیو ته وویل، د اتو میاشتو میندواره ده، خو هېڅ ډول روغتیایي خدمت ته لاسرسی نه‌لري: «دلته په خېمه کې ژوند کوو، نه کلینیک شته، نه روغتون، او نه هم دومره وس لرو چې ډاکټر ته ولاړ شو. ان د خوړلو لپاره څه نه‌لرو، کار نشته، په ډېرو ستونزو شپه، ورځ تېروو.» بله میندواره ښځه، چې دا بیا تازه شاوخوا یوه اونۍ مخکې په تورخم خپل هېواد ته اوښتې او دا هم نه‌غواړي نوم یې په راپور کې واخیستل شي، وایي...