په پېښور کې يوه بله سينېما ړنګه شوه

په پېښور کې د مشهورې پېکچر هاوس سېنېما ړنګه شوې ده. د سېنېما چلوونکي وايي چې په دې وروستیو کې د فلمونو نندارچیان کم شوي ول چې له امله يې سینيما نوره ګټه نه کوله نو ځکه یې د ړنګولو پرېکړه وکړه. تر دې وړاندې هم په پېښور او د خيبر پښتونخوا په نورو ښارونو کې سېنېماګانې تړل شوې وې. دا په داسې حال کې ده چې په افغانستان کې د طالبانو د حکومت تر راتګ وروسته هلته په فلمونو او موسیقۍ بندیز دی. په داسې کې په پېښور کې د سیينماوو بندیدل به په کلتوري هلې ځلو څومره اغيز وکړي. په دې اړ د وسيم سجاد ويډيو رپورت وګورئ.