یونیسف: له پاکستانه په ستنېدونکو کې شاوخوا ۲۰ سلنه ماشومان دي چې ځینې یې له خپلو کورنیو جلا شوي دي

نهه کلن شفیع الله چې څه موده وړاندې د پاکستاني پولیسو له لوري ونیول شو او له خپلې کورنۍ جلا افغانستان ستون کړل شو. هغه اوس مهال په ننګرهار کې له یوې کورنۍ سره اوسیږي. نوموړي نن دوشنبه د مۍ پنځمه ازادي راډيو ته وویل چې کورنۍ یې په پاکستان پاتې ده او دا له کوره لیرې له سختو ستونزو سره مخ دی. نوموړي وویل غواړي چې له خپلې کورنۍ سره بېرته یو ځای شي. "زه په بازار کې وم، دوی ونیولم او حاجی کمپ ته یې بوتلم، دوه ورځې یې هلته وساتلو بیا یې افغانستان ته راوړلم، زما پلار، کورنۍ او ورونه مې ټول په پاکستان کې...