په زیارت کې خلکو د ۷ کسانو مړو تر موندل کېدو وروسته احتجاج کړی دی
د بلوچستان په پښتون مېشته او سیلانۍ سیمه زیارت کې د ځايي خلکو او فعالانو د اووه مړو تر موندل کېدو وروسته احتجاج کړی دی.د زیارت اوسېدونکي او د احتجاج ګډونوال نظام نظامي د اپرېل پر ۳۰مه مشال راډیو ته وویل چې مړي د سې شنبې (نهې) پر ورځ د چوتېر په غره کې موندل شوي دي.
دی وايي، خلکو د مړو تر موندل کېدو وروسته د کوټې او بوري (لورالايي) ترمینځ سړک تړلی وو.
د زیارت انتظامي مشر (ډېپټي کمېشنر) ذکا الله دراني د اپرېل پر ۳۰مه وویل، خلکو چې چارواکي خبر کړل نو دی هم ورغی او مړي یې ولیدل.
دی وايي، هغه کسان په "کمربندونو تړل شوي ول" او په مرمیو ویشتل شوي.
Заголовки