په مستونګ کې وسلوالو د پولیو واکسیني ډلې ۲ ساتونکي وژلي دي
د بلوچستان په مستونګ کې د پولیو د واکسیني ډلې پر ساتونکو په برید کې د لېویز ځواک دوه سرتېري وژل شوي دي. انتظامي چارواکو د پاکستان د انګرېزۍ ژبې ډان ورځپاڼې او د اردو ژبې سما نیوز ټېلېوېژن په ګډون یوشمېر رسنیو ته ویلي دي چې برید د اپرېل پر ۲۳مه د مستونګ په تېري نومي سیمه کې شوی دی.
چارواکي وايي چې د امنیتي اندېښنو له وجې یې په مستونګ کې د ګوزڼ پر وړاندې روان کیمپېن تر نامعلوم وخته ځنډولی دی.
د حملې ذمه واري چا نه ده منلې خو د صوبايي حکومت ویاند شاهد رند په بیان کې ویلي دي چې د پېښې پلټنې یې پیل کړې دي.
Заголовки