د سوات په بریکوټ کې دوه کسان د ناموس په نوم وژل شوي دي

د خیبرپښتونخوا د سوات پولیس وايي، په بریکوټ سیمه کې دوه کسان د "ناموس په نوم" وژل شوي دي. پولیسو پرون سه شنبې د ازادي راډیو مشال برخې سره په خبرو کې ویلي، " یو تن هغه مهال ووژل شو چې د شپې له خوا یو کور ته ننوته او د کور خاوند پرې ډزې وکړې". د پولیسو په ټکو، په ډزو کې د کور د خاوند زوی هم وژل شوی دی. پولیسو وړاندې ویلي، " ډزې کوونکی کس د هغې نجلۍ خسر دی چې په تورن ډول يې يو بل کس ليدو ته ورغلی وو". د نجلۍ خسر پولیسو ته ویلي، " وژل شوي کس د هغه له نږور سره "نامشروع اړیکې" لرلې". دا لومړی ځل نه دی...