چارواکو د جماعت اسلامي تر لاریون مخکې اسلام اباد ته تلونکې لارې تړلې دي

پاکستانیو چارواکو په اسلام اباد کې د غزې تړانګې له ولس سره د "خواخوږۍ" لپاره د جماعت اسلامي د لاریون له کبله سخت امنیتي تدابیر نیولي دي او پلازمېنې ته تلونکې لویې لارې یې تړلې دي.انتظامي چارواکو د اسلام اباد مهمې سیمې ته تلونکې لارې په کنټېنرونو او اغزن تار تړلې دي او هېچا ته هلته د تګ اجازه نه ورکوي. هغه سیمه "رېډ زون" بلل کېږي او پکې د وزیراعظم او ولسمشر دفترونه، د پارلېمان، سپریم کورټ او نورې دولتي ودانۍ پرتې دي. چارواکو د اپرېل پر ۲۰مه په ښار کې پولیس او د رېنجرز ځواک سرتېري ځای پر ځای کړي دي...