د ایران او امریکا دویم پړاو خبرو کې د ( ښه پرمختګ) خبر ورکړل شوی، دریم پړاو خبرې بله اونۍ کیږي
د متحده ایالتونو یو لوپوړی چارواکی وایي چې د تهران د اټومي تړون په اړه د ایراني او امریکایي استازو خبرو کې " ښه پرمختګونه" شوي دي.
د دغو استازو دویم پړاو خبرې پرون شنبه د ایټالیا په پلازمېنه روم کې ترسره شوې.
د امریکا دغه چارواکي د نوم نه ښودو په شرط د شنبې په ماښام یوه ډله خبریالانو ته ویلي " نن په روم کې په دویم پړاو خبرو کې چې څه باندې څلور ساعته یې دوام وکړ، په مستقیمو او غیر مستقیمو خبرو کې ښه پرمختګونه وشول".
د رویټرز او اکسیوس ویبپاڼې د راپور له مخې ټاکل شوې د دواړو هېوادونو استازي راتلونکې اونۍ دریم پړاو خبرې وکړي.
Заголовки