افغانستان ته ستنېدونکي له طالبانو د کور جوړولو لپاره ځمکه غواړي

افغانستان ته ستنېدونکو کډوالو د طالبانو له حکومته غوښتي دي چې هلته دې ورته د کور جوړولو لپاره ځای ورکړي. د خیبر د لنډي کوتل (لواړګي) په لنډمهالي کیمپ کې یوشمېر افغانانو مشال راډیو ته وویل چې کلونه په پاکستان کې واوسېدل او په افغانستان کې د ژوند لپاره هېڅ جایداد او نورې شتمنۍ نه لري. دوی وايي، د طالبانو حکومت دې ورته ځمکه ورکړي. د طالبانو حکومت لا د کډوالو غوښتنې په اړه څه نه دي ویلي خو په تورخم او نورو ځایونو کې یې ورستنېدونکو لپاره کیمپونه جوړ کړي دي. دا په داسې حال کې ده چې د خیبر ضلعي چارواکي...