د سمرقند ناستې ګډونوال؛ طالبان دې ټول ګډونه حکومت جوړ کړي او د ښځو حقونه دې ورکړي

په افغانستان کې د طالبانو د حکومت د فعالیت په اړه د اندېښنو په دوام اروپايي ټولنې او د منځنۍ اسیا د هیوادونو مشرانو په دې هیواد کې د یو ټول شموله حکومت د جوړولو، بشري حقونو ته درناوی او د زده کړو د ټولو افغانانو په ځانګړي ډول نجونو او ښځو د لاس رسي غوښتنه کړې ده. دغو مشرانو د اپریل په څلورمه د ازبیکستان په کوربه توب د منځنۍ اسیا او اروپايي ټولنې په لومړنۍ سرمشریزه کې په افغانستان کې د بشري حقونو د وضعیت په اړه اندېښنه وښوده. د دې سرمشریزې په ګډه اعلامیه کې چې د اروپايي ټولنې په ویب پاڼه کې خپره شوې...