د اروپايي ټولنې د کمیشنرې خبرداری؛ د ازادې اروپا/ ازادي راډیو بندیدل د نړۍ مستبدانو لپاره ډالۍ ده
د اروپايي ټولنې د پراخوالي کمیشنرې مارتا کاس د ازادې اروپا/ ازادي راډیو پر ساتنې ټینګار کړی دی.
هغې خبرداری ورکړی که چیرې دا راډیو و نه ساتل شي، نو د نړۍ د مستبدانو لپاره به یو ښه ډالۍ وي.
کاس دغه خبرې پرون سه شنبې د (اپریل اوله) د اروپايي پارلمان په یوې ناسته کې کړي دي.
د اروپا په پارلمان کې دا ناسته د ازادو رسنیو پر ساتنې په ځانګړې توګه د ازادې اروپا/ ازادي راډیو پر ساتنې او دې راډیو ته پر لاسرسي متمرکزه وه.
د اروپا په پارلمان کې دا ناسته د امریکا د ولسمشر ډونالډ ټرمپ د هغه فرمان په غبرګون کې جوړه شوې وه چې د مارچ په ۱۴مه يې لاسلیک کړی و.
Заголовки