د کوټې په پوهنتونونو کې د زدکړو لړۍ بيا پيل شوې ده

د بلوچستان د مرکزي ښار کوټې په پوهنتونونو کې د زدکړو لړۍ سر له ننه (د مارچ پر ۲۰مه) بيا پيل شوې ده.د بلوچستان د معلوماتي ټېکنالوژۍ، انجینرۍ او مدیریتي مطالعاتو پوهنتون (بلوچستان یونیورسېټي اف انفارمېشن ټېکنالوجي، انجینیرنګ اېنډ مینېجمېنټ ساینسز یا بیوټمز) مرستيال مشر (پرو وايس چانسلر) پوهاند ډاکټر ميرويس کاسي د مارچ پر ۲۰مه مشال راډيو ته وويل چې د کوټې ښار په ټولو پوهنتونو کې په حضوري توګه د زدکړو بهير پيل شوی دی او زده کوونکي او ښوونکي پوهنتونونو ته ورغلي دي. دا تر هغه وروسته ده چې د بلوچستان حکومت...