په پاکستان کې میشت افغان کډوال: پاکستاني پولیسو د کورونو د تلاشۍ پرمهال افغانې کډوالې ښځې وهلي دي

د بشري حقونو د څار سازمان وايي، پاکستاني پولیسو د افغان کډوالو پر کورونو چاپې وهلې، هغوی یې ځورولي، په خپل‌سري ډول یې نیولي او د کډوالۍ او استوګني اسناد یې ور څخه ضبط کړي دي او په ځینو مواردو کې یې ورنه د پاتې کېدو په بدل کې رشوت هم اخیستی دی. دغه سازمان د چهارشنبې په ورځ، د مارچ ۱۹مه، په خپل راپور کې ویلي، پاکستاني چارواکو پر افغان کډوالو فشارونه زیات کړي، څو افغانستان ته ستانه شي، په داسې حال کې چې د بشري حقونو د څار سازمان په وینا، هلته د طالبانو له ځورونو او سختو اقتصادي شرایطو سره مخ دي. راپور...