د اوکراین پر بیلابیلو سیمو هوايي بریدونه شوي
د اوکراین په بېلابېلو سیمو کې نن سهار وختي د هوايي حملو د خطر زنګونه ووهل شول او د پلازمېنې کییف په ځینو سیمو کې د چاودنو راپورونه ورکړل شوي دي.
د هوايي حملو خبرداري په چیرني هیف، سومي، پولتاوا، لوهانسک، دنیپروفسک، زاپوریژیا، کییف او څو نورو سیمو کې واورېدل شول.
د کییف د پوځي ادارې مشر سیرهي پوپکو وویل چې د دې ښار پر یوه ناحیه د توغندیو چرې راپرېوتې دي. د دې حملو د تلفاتو په اړه جزییات نه دي ورکړل شوي.
په سومي کې هم سیمه ایزې پوځي ادارې وویل چې د روسیې یو توغندی د شوستکا ښار ملکي تاسیسات زیانمن کړل خو د تلفاتو په اړه یې څېړنې پیل شوې دي.
Заголовки