د پاکستان له زندانونو ۵۳ آزاد شوي افغانان بیرته افغانستان ته ستانه شول
د پاکستان له زندانونو ۵۳ آزاد شوي افغان بندیان بیرته افغانستان ته ستانه شول.
د طالبانو د حکومت د کډوالو او بیرته راستنیدونکو چارو وزارت پرون سې شنبې په خپله ایکس پاڼه یا پخواني ټویټرکې ولیکل چې دغه ۵۳ بندیان چې پکې د یوې کورنۍ اته غړي هم شامل او په دې وروستیو کې د پاکستان له زندانونو خوشې شوي و، د سپن بولدک له لارې بیرته افغانستان ته ستانه شول.
د تیرکال د نومبرله میاشتې راهیسې چې پاکستان له خپلې خاورې د بې اسناده افغان کډوالو د په زوره ایستلو بهیر پیل کړی، په دې هیواد کې په زرګونو کسان د پولیسو له خوا نیول شوي دي.
Заголовки