د ژوندي سارو پرعکسونو بندیز تر ارګ ورسېده
د ژوندیو موجوداتو د انځورونو نه خپرولو په اړه د طالبانو د مشر حکم چې د دوی د حکومت د امر بالمعروف او نهی عن المنکر په قانون کې راغلی، اوس د طالبانو د حکومت په مهمو ادارو کې عملي بڼه خپلوي.
د روانې اوونۍ د دوشنبې له ورځې راهیسې د طالبانو د حکومت مهم چارواکي رییسالوزرا ملا محمد حسن اخوند، مرستیالان یې ملا برادر، مولوي عبدالکبیر او عبدالسلام حنفي په هغو خبرپاڼو کې چې رسنیو ته یې استوي، د ژوندي سارو عکسونه او ویډیوګانې نه خپروي.
له دې خبرپاڼو سره اوس یوازې د طالبانو بیرغ او یا د ارګ انځورونه مله وي.
Заголовки