کابل ته د روسيې د ملي امنيت شورا د منشي سفر؛ بېلابېلو طالب چارواکو سره يې ليدلي

پرون د روسیې د ملي امنیت شورا منشي په‌داسې حال کې کابل ته لاړ چې، تر دې وړاندې د چین ځانګړي استازي د کابل او د سیمې د هېوادونو له چارواکو سره د افغانستان په اړه خبرې وکړې. د روسیې د ملي امنیت شورا منشي سرګی شویکو پرون (دوشنبې) په کابل کې د طالبانو د حکومت د ريیس‌الوزرا له مرستیالانو او دفاع وزیر سره جلا جلا ولیدل. سره له‌‌‌‌‌‌دې چې مسکو د طالبانو حکومت لا هم په رسمیت نه‌‌‌پېژني او په زغرده وايي چې، لا دې ته ډېر وخت پاتې دی چې په‌‌‌‌دې اړه خبرې وشي، د دواړو خواو ترمنځ اړیکې په نسبي ډول نژدې دي.