طالبانو خوست کې د ځينو ځوانانو له لوري د کتابونو پر وېش بندېز لګولی

په افغانستان کې د طالبانو حکومت د ځینو کتابونو په چاپ او خپرولو د محدودیتونو په لړ کې، تازه په خوست کې ځايي طالب چارواکو هغه ځوانان د کتابونو له وړیا وېش منع کړي چې له ډېرې مودې راهیسې يې په دغه ولایت کې پر خلکو وړیا کتابونه وېشل. د دې ولایت یوشمېر هغه ځوانان چې له څه باندې درېیو کالونو راهیسې له خلکو کتابونه راټولوي او بیا یې د خلکو په ګډون په ځینو پوهنتونونو وېشي ادعا کوي چې، طالبانو ورته ویلي چې، دغه لړۍ باید له ځنډ پرته بنده کړي. په خوست کې د کتابونو د راټولو او وېش یو تنظيموونکی چې نه‌‌غواړي...