ريچارډ بېنيټ: افغانستان کې مذهبي لږکي له جدي ګواښ سره مخامخ دي
د افغانستان لپاره د ملګروملتونو د بشري حقونو ځانګړي راپور ورکوونکي د افغانستان دننه د مذهبي اقلیتونو ژوند ته ژوره اندېښنه ښکاره کړه.
د افغانستان لپاره د ملګروملتونو د بشري حقونو ځانګړی راپور ورکوونکی څرګندوي چې، په افغانستان کې لاهم مذهبي اقلیتونه له جدي ګواښ سره مخامخ دي.
ریچارډ بېنيټ پرون په خپله ایکسپاڼه (پخواني ټویټر) کې ولیکل چې، په افغانستان کې باید ټول افغانان د ازاد عبادت حق ولري.
نوموړي د بغلان په نهرین ولسوالۍ کې د پنجشنبې په شپه د سید پاچا اغا په زیارت کې دننه په یوه جومات کې ترسره شوی برید وغانده.
Заголовки