سي‌اين‌اين: افغانستان کې جنس‌بدلي د توقیف پرمهال له تاوتریخوالي او جنسي تیري سره مخامخ دي

سي‌اين‌اين خبري شبکه راپور ورکوي چې، په افغانستان کې جنسیت‌‌‌بدلي د طالبانو له‌خوا د توقیف پرمهال له سخت فزیکي تاوتریخوالي او جنسي تیري سره مخامخ دي. یوشمېر جنسیت‌‌بدلو ازادي راډیو سره په خبرو کې تایید کړه چې د طالبانو له‌‌خوا له تاوتریخوالي او جنسي تیري سره مخامخ شوي دي. یو له دوی څخه شیرشاه چې په خبره یې د طالبانو له ویرې پاکستان ته تښتېدلی، ازادي راډيو ته وویل: "د انصاري په څلور لارې کې یو هوټل و، زه او ملګری مې هلته تللي و. په جریان کې و چې طالبان زموږ کوټۍ ته ننوته، ماسک یې اغوستی و او وسله...