افغان نولسکلنو ځوانانو د متحده عربي اماراتو لوبډلې ته ۳۶۰ منډې هدف وټاکه
د نولسکلنو ځوانانو د درې اړخیزو سیالیو په لړ کې د افغانستان او متحده عرب اماراتو ترمنځ د روانې لوبې لومړۍ پاڼۍ پای ته ورسېده.
دغه سیالي چې نن د کابل پر وخت سهار ۱۰ بجې پیل شوې وه، افغان لوبډلې په ټاکل شویو ۵۰ اورونو کې د ۵ وېکټو په تاوان سره سیالې لوبډلې ته د ۳۶۰ منډو هدف وټاکه.
د افغان توپ وهونکو له ډلې فیصل خان ۱۵۶، محبوب تسکین ۱۴۱ ناسوځېدلي او عزیزالله ۳۷ منډې جوړې کړې.
دا په روانه لوبلړۍ کې د فیصل خان دویمه سلیزه ده.
عربي متحده امارات به په څو شېبو کې خپله توپوهنه پیل کړي.
Заголовки