د کاناډا استازی: که طالبان خپلې تګلارې بدلې نهکړي؛ د عدالت نړيواله محکمه کې به پرې دعوه وکړو
د افغانستان لپاره د کاناډا ځانګړي استازي د طالبانو د حکومت پر وړاندې د احتمالي قانوني اقدام په اړه خبرداری ورکړی دی.
د افغانستان په چارو کې د کاناډا ځانګړي استازي ویلي، که طالبان د افغان ښځو او نجونو او بشري حقونو په اړه په خپلو پالیسو کې بدلون را نهولي، دوی به یې پر وړاندې له نورو هېوادونو سره په ګډه د عدالت نړیوالې محکمې کې دعوه وکړي.
ډیویډ سپرول د ګلوب انډ مېل په نوم له یوې کاناډایي رسنۍ سره مرکه کې چې د دوشنبې (د نوامبر په ۴مه) خپره شوې، دا خبره کړې خو زیاته کړې يې ده، چې د دوی دې اقدام ته لا هم څو پړاوه پاتې دي.
Заголовки