کابل کې د سړک سر خوراکونه؛ خلک يې ارزان ګڼي خو روغتيايي زيانونه څهدي؟
د کابل ښار یوشمېر اوسېدونکي که څه هم د سړک پر غاړه د پلورونکو د خوراکي توکو کارول له اقتصادي پلوه مناسب ګڼي، خو د ناروغیو د مخنیوي په موخه یې پر پاکوالي ټینګار کوي.
د خلکو د اقتصاد ټیټه کچه او په کابل ښار کې د سړکونو پر غاړو ارزان بیه خوراکي توکي، د دغو خوړو د کارولو له عمده لاملونو څخه بلل کېږي.
یوشمېر کابل ښاریان او کارکوونکي چې اړ دي د غرمې ډوډۍ له کوره بهر وخوري، دغه خواړه مناسب ګڼي او وايي، د دې خوړو د ښه خوند او ارزانه بیې له امله د سړک غاړې له پلورونکو څخه د خوراکي توکو پېرلو ته زړه خوښوي.
Заголовки