د نیوزیلنډ کرکټ ښځینه لوبډله هم د نړیوال جام پایلوبې ته ورسېده
د ښځو ترمنځ د کرکټ په شل اوریز نړیوال جام کې د جمعې په ورځ د اکټوبر په ۱۸مه نېټه دویمه نیمه پایلوبه د نیوزیلنډ او ویسټ اینډیز ترمنځ ترسره شوه، چې نیوزیلنډ د ۸ منډو په توپیر وګټله.
دغه سیالي چې د عربي متحدهاماراتو د شارجې په لوبغالي کې ترسره شوه، نیوزیلنډ یې پچه ګټلې وه او توپوهنه یې وکړه.
یادې لوبډلې د ۹ لوبغاړو تر سوځېدو وروسته د ۱۲۹ منډو هدف وټاکه، چې نیوزیلنډ ته جیورجیا پلیمر تر نورو ډېرې ۳۳ منډې وکړې.
ویسټ اینډیز ته ډینډرا ډوټین ۴ لوبغاړې وسوځولې.
د ویسټ اینډیز لوبډلې په شلو اورونو کې ۸ لوبغاړي له لاسه ورکړل او ۱۲۰ منډې یې وکړې.
Заголовки