Steinras i Stad – vegen er stengt

Stigedalsvegen riksveg 651 er stengt ved Velle i Stad kommune etter eit steinras. – Vi er på staden og fjernar bilar som står fast på begge sider, skriv politiet klokka 14.41. Entreprenør er på staden for opprydding og vidare vurdering. Truleg vil det verte kalla ut geolog, opplyser trafikkoperatør Tom Erik Engelstad i Vegtrafikksentralen. Dei kjenner ikkje til at nokon har blitt skadde i hendinga. – Det skal vere ein del mindre steinar og nokre større. Den største er på ein kubikk, seier han. Vegen er stengt og vil verte det utover.