IMO: 3200 skip er fanga i Persiabukta.

Rundt 3200 skip er innesperra i Persiabukta vest for Hormuzsundet, ifølge Den internasjonale sjøfartsorganisasjonen (IMO). FN-organisasjonen held onsdag eit ekstraordinært møte i London på grunn av krigen i Midtausten. IMO meiner det er rundt 20.000 sjøfolk på skipa som ikkje kjem seg ut av Persiabukta. Over 18 handelsskip er trefte av prosjektil, missil, dronebåtar eller sjøminer, ifølge styresmaktene i Dei foreina arabiske emirata. Minst åtte sjøfolk er stadfesta døde og fire andre er sakna, ifølge tal som er sendt til IMO.