BT: Drapssikta mann blir isolert i fengsel

Politiet har fått medhald i si anke om fengslingsvilkåra for den drapssikta mannen i 30-åra, etter drapet i Arna 8. februar. Det melder BT. Den sikta mannen fekk først fire veker varetektsfengsling med brev- og besøkskontroll. Politiet anka fengslingsvilkåra i Hordaland tingrett torsdag førre veke. I dag vant politiet sin anke fram i Gulating lagmannsrett. Den drapssikta får no to veker isolasjon og medieforbod, i tillegg til brev- og besøksforbod heile perioden, skriv avisa.