Brann i takkonstruksjon i Ullensvang – no er brannen slått ned

110 Vest melder om at det er brann i ein einebustad i Kysnesstranda i Ullensvang. Saka vart meldt klokka 09.29. Brannen har starta i ein skorstein, før den spreidde seg til takkonstruksjonen. Klokka 10 opplyser 110 Vest at brannen er slått ned, og at det ikkje er opne flammar. Politiet skriv at det truleg har vore ein pipebrann som har utvikla seg til konstruksjonen på tak og loft. Alle bebuarar vart etter kort tid evakuerte frå bygget. Det blir no jobba med å opne opp og sørge for at det ikkje er varme igjen i konstruksjonen.