Åse Wetås blir nasjonalbibliotekar

Direktør for Språkrådet, Åse Wetås, blir ny nasjonalbibliotekar, skriv Kultur- og likestillingsdepartementet i ei pressemelding. – Wetås har solid leiarerfaring og god forståing av samfunnsoppdraget og eg er sikker på at Nasjonalbiblioteket er i trygge hender under hennar leiing, seier kultur- og likestillingsminister Lubna Jaffery. Wetås tek over stillinga etter Aslak Sira Myhre. Det er ikkje avgjort nøyaktig når ho skal ta over.