Melkøya: Regjeringa meiner at Frp set arbeidsplassar i fare

Energiminister Terje Aasland (Ap) meiner Framstegspartiet framstår som «uansvarlege og utan truverd» etter at partiet har valt å støtte eit forslag som kan stoppe elektrifiseringa av Melkøya i Finnmark. – Frp har gjort endå ei snuoperasjon og framstår uansvarlege og utan truverd. Dei meiner éin ting den eine dagen og det motsette den neste. Det skaper stor politisk risiko for industri og næringsliv som vil investere i Noreg, og set tusenvis av arbeidsplassar i fare, seier Aasland. Også leiar av energikomiteen, Mani Hussaini (Ap) er kritisk.